JOGOS
INDÍGENAS
III Edição dos Jogos Tradicionais Indígenas Xikrin na Ô’ôdjà kam amirĩn, akati bê dia 20, nẽ mytrwỳ bê julho, amei bê 2019, kam mẽ bixaêrêdjwỳi ãkre bê dezesseis krĩ bê conco kam mẽ te aben kukràdjà aben mã o wamirĩn kadjy: mẽ toro, mẽ ngrere, mẽ ’ôk, mẽ kunhêrê. Mẽtoro kam mẽ benadjwỳrỳ kunĩ bôj. Kam mẽ ã akre bê 1.700, nẽ mẽ bixaêrêdwjỳi ã akre bê 600, mẽmy mẽ mẽni na mẽ kruwa mẽ, akrô kjêi mẽ, bàrok krã mẽ, mẽ prõn ã akre bê 100 mẽ 5.000 metros nài rẽi mẽ kam ’õdjwỳ.
Akati bê 26 kam na mẽ ngà nhiprôkri mẽtoro kam apỹi mẽ bixaêrêdjwỳi djàri, mẽnire mẽ mẽmy. Kam mẽ apỹi mẽ bixaêrê ’ã apôi te amĩm kĩidjà byry kadjy: kruwa rẽi kam, koda kẽi kam, bàrok krã japĩ kam. Kam mẽ bixaêrêdjwỳi ’ã apôi amei bê 2019 kam: mẽmy bàrôk krã japĩ kam: Krĩ Mei Tyk; mẽnire bàrôk krã japĩ kam: Kam Krokrok; bàrôk krã japĩdjwỳ mei na Ngrei Nhĩ; mẽ te amĩ bẽn: Pãiprĩ Mẽnire prõn ’ã akre bê 5 mil: Yapore; mẽmy prõn ’ã akre bê 5 mil: Bep Kanãrã; koda kjêi: Ken Nhôrô Kruwa rẽi: Bep Êti; Nài rẽi: Katàpti.
Mẽ bixaêrê nhõ mẽtoro oinorere kam bẽnadjwỳrỳ Bep Tum mẽ bixaêrê nhõ kwy bẽnadjwỳrỳ Bep Kràkràkti mã kungã.
Mẽ bixaêrêdjà rai j̃à te mẽ kunĩ o bikprõi mẽ te amĩ kukràdjà aben mã o wamirĩn kadjy Amerika kam. Mẽ te bàrôk krã japĩ o ba kôt na mẽ aben mã amĩ kukràdjà o wamirĩn abỹm mẽ te amĩ kukràdjà mari rã’ã kdjy. Apỹi mẽbêngôkre ba djàri kukràdjà mẽbêngôkre bê brasileiro akati j̃à kam mẽ ’ã akre bê 230 õ pykadjwỳi kam mẽ kaben kàibê ’ã akre bê 180. Apỹi mẽ ba djàri kukràdjà: mẽtoro, apỹi mẽ bik proidjà.
